激過玩過山車

時間過得好快,咁就已經一年啦........

仲記得上年收到張cert時一段段雜碎的記憶,可能因為上次ga失敗,再加上一直以來對校園生活都沒有什麼好感,我揀左自修D 一條路.........

對好多人來說,自修必先擁有無比的鬥志和決心,才能克服種種的利誘和困難,包括別人的猜度,家庭成員的質疑....等等很多外在因素

自問小弟並不是什麼讀書料子,但問心,在這一次經歷中我總算付出我最大努力,問心無愧,也相信所做的准備勝於去年,因此......在這次會考後我一直相信自己能夠奪取佳績,以報答各位對我的支持

不過......正當得知啊文,輝哥,還有平哥的高考成績後.........心知不妙,先前對升學的期望也一掃而空,從這刻開始,我就不停批判自己所付出的是否值得,直到放榜..........

放榜當天,正當我一睇個result....wa...真係得淡笑....雖然英文科終於得到應得的平反,也證明一年的付出沒有白費,但...中文科成績卻強差人意,最終只得1等(fail)級別,然而,上年中文科會考成續我卻是取得E級合格,最搞野就係我作文囉3等,說話囉2等,其他卷拉埋都卻只得1等.......當時....我真係好想打電話去考試局問候他的娘親

但最估唔到的是其他科成績竟然一齊退步,D樣野我係最估唔到架,也應驗啊文佢地ga結果,原來考試報告所寫所說的"我不能夠做到啊!!",什麼回應主題,條理分明........看來到現在我答題沒有符合考試要求啊......咁.......我這一年自修的光陰咪豈不是白白浪費!!!?

雖然....雖然在學業方面我是一個失敗者,但...我相信這一年所獲得的人生經驗比起5年校園生活所得到的還要多,最起碼我的社交圈子得以擴闊,也能夠重新去尋找自己的價值觀,去珍惜眼前的一切........

講到尾,我好多謝眾師弟,各位現實和虛異世界的朋友當我遇到逆境時向我伸出援手,沒有你們的存在,就沒有今天的我

會考過後,雖然我找唔到中六學位,但最終我卻報讀了Ive 的Fashion Merchandising HD課程
這將會是我新的開始

==========================================

講完D 壇野,點解我會話激過玩過山車,主要原因係來自我老爹

識我ga 朋友都知道我老爹一年前就中風入院,幸好的是當時一早已經入院急救,所以到而家佢都可以行得走得,真係好好彩啊,之後佢就一直都o係大陸到休養,直到....

上星期一早上(20/8),我收到一個電話,當時大舅父話我老爹昨天(星期日)晚上正當同友人食飯,去到我大陸屋企門口時突然暈低......入左醫院......我大舅父就叫我最好即時返去接佢返香港

於是我就以極速時間單人匹馬換衫即刻經深圳返去我家鄉...順德....幸好的是經過D 次我老豆還是行得走得,真係不幸中的大幸,而且見佢同平時都別無他樣.....不過...由於我的一位朋友也曾經發生類似事件,到最後他的家父都支持不住在大陸過身,令我擔憂相同事件會發生o係我身上



星期一21:55 p.m,我同老爹安全抵達落馬洲邊境站,總算有驚無險.......

不過.....今次D壇野搞到咁,我覺得係佢自己囉黎衰,咁大個人中過風仲要去飲"小小"酒,真係未死過

去完仁濟做body check,比我地咁多位家庭成員插完又插,我相信佢永世都不能返回祖國,直至永恆....

不過,我都覺得佢都好慘.............