回水!!唔該!!

簡介:here

話說上兩日志達話睇左愛情回水,之後雲姐又話好想睇D 套戲,於是就抱著一試的心態去試一試......
劇情係點我就唔多講lu,但係套野就有好多鏡頭都表現出主角的臉部情感,而且套野有好多好多黑色幽默同色情笑話,由一枝類似性玩具的洗頭水,再到超級市場內一個熱愛功夫的人物,相信都能夠令你放聲大笑

而入面主角所幻想的時間停頓,都即時令我聯想Suede ,the Wild ones 的MV,假若主角有時間停頓的超能力,但他始終都不能去改變事實的結果,他只能在這一段停頓的時刻去回味,細想現在的一刻...但願我們都能夠去珍惜眼前的一切.不要到了失去才去後悔當初的行為,時間會不經不意一分一秒地過去..........而最後的結局真係好浪漫好感動,唔錯唔錯

其實睇完套野之後個人真係無咩精神,不過都同雲姐去買Yndi Halda Ticket,SD Mini Card 同電話保護貼
原本佢問我想唔想去灣仔幫Matthew執碟,不過我真係太...........累了,sorry ar!!

跟住我就一個人行左陣樓上書店,正當我步進書店的那一刻,又開始回憶以前在某間名校時閱讀的樂趣,仲記得以前無論係上課定Lunch time,我都會揸住本書係咁睇...係咁睇......D 段回憶可以話係我而家最嚮往的時刻,我而家手頭上都有好幾本書等住我睇,我真係要努力D睇先得啦!!

P.S睇黎我真係要睇多幾本書,學好D中文....我D錯別字太多了,唔該哂樂少